म हत्यारा बन्न तयार छु

आफ्ना आमा नचिन्ने
नालायक पुत्रहरूलाई
बाच्ने कुनै अधिकार छैन
यो धर्तीमा
आफ्नै चेलीको अस्मिता लुट्ने
ती यौन पिपासुहरूलाई
गोली ठोक्न अनुमती देऊ
सरकार
म हत्यारा बन्न तयार छु ।

दिनदिनै बढिरहेको छ यहाँ
हत्या र हिंसा
संविधानको बर्खिलाप भइरहेछ
कानुन बन्छ यो देशमा
जसले व्याख्या गरे पनि
फरक ढङ्गले गर्न सकिने
तिनै कानुनको आडमा
मौलाइरहेछन्
देशद्रोही दलालहरू
त्यसैले त दलालहरूलाई
गोली ठोक्न अनुमति देऊ
सरकार
म हत्यारा बन्न तयार छु ।

दिन दहाडै !
लुटिन्छ नेपाली चेलीको अस्मिता
कहिले देशमा, कहिले परदेशमा
कहिले आफ्नैबाट त कहिले सहकर्मीबाट
समातिन्छन् दोषीहरू
छुट्छन् केही वर्षमा
तर चेलीको अस्मिता
लुटिन्छ जीवनभरको लागि यहाँ
त्यसैले त
अस्मिता लुटने
नरपिपासुहरूलाई
बाँच्ने अधिकार छैन यहाँ
गोली ठोक्न अनुमति देऊ
सरकार
म हत्यारा बन्न तयार छु ।

-साल्पासिलिछो, भोजपुर

Source: ratopati

 

Leave a Reply

Your email address will not be published. Required fields are marked *