जर्ज प्रिन्स कार्की राष्ट्रिय टोलीमा परेनन्

काठमाडौं (हामो खेलकुद) – नियमित रुपमा राष्ट्रिय टोलीमा स्थान बनाउदै आएको फरवार्ड जर्जप्रिन्स कार्की साफ च्याम्पियनसिपका लागि घोषित राष्ट्रिय टोलीमा परेका छैनन् । अखिल नेपाल फुटबल संघ (एन्फा) ले बंगलादेशमा हुने साफ च्याम्पियनसिपको लागि २० सदस्यीय राष्ट्रिय टोलीको घोषणा गर्दा प्रिन्स त्यसमा समावेश भएनन् ।

गतवर्ष राष्ट्रिय टोलीबाट डेब्यु गरेका प्रिन्स त्यसयता निरन्तर राष्ट्रिय टोलीको सदस्य रहँदै आएका थिए । त्रिभुवन आर्मी क्लबका प्रिन्सले राष्ट्रिय टोलीका लागि गोल नगरेपनि राम्रो छाप बसाएका थिए । आर्मीबाट घरेलु फुटबलमा प्रभावशाली प्रदर्शन गरेका कारण प्रिन्स राष्ट्रिय टोलीमा अटाएका थिए । राष्ट्रिय टोलीको थाइल्याण्ड भ्रमणमा समेत रहेका प्रिन्स अन्तिम नामावलीमा भने पर्न सकेनन् ।

साफ च्याम्पियनसिप बंगलादेशमा हुदैछ । नेपाल रहेको समूह ‘ए’ मा आयोजक बंगलादेशसँगै पाकिस्तान र भुटान रहेका छन् । नेपालले पाकिस्तानसँग खेल्दै साफको शुरुवात गर्नेछ । नेपाल र पाकिस्तानबीचको खेल १९ भदौमा बंगबन्धु स्टेडियममा हुनेछ । त्यसपछि नेपालले २१ भदौमा भुटानको तथा २३ भदौमा आयोजक बंगलादेशको सामना गर्नेछ । नेपाल साफ च्याम्पियनसिपको सेमिफाइनलभन्दा अघि बढ्न सकेको छैन । हरेक समूहका शीर्ष दुई टोलीले सेमिफाइनलमा स्थान बनाउनेछन् ।

नेपाली राष्ट्रिय टोली

गोलकिपर : किरण चेम्जोङ, विकेश कुथु, एलेन न्यौपाने

रक्षक : दीनेश राजवंशी, देवेन्द्र तामाङ, विराज महर्जन (कप्तान), अनन्त तामाङ, आदित्य चौधरी, रोहित चन्द, सुमन अर्याल

मिडफिल्ड : हेमन्त थापामगर, हेमन गुरुङ, विशाल रार्ई, सुनिल बल, सुजल श्रेष्ठ, निराजन खड्का

फरवार्ड : भरत खवास, विमल घर्तीमगर, नवयुग श्रेष्ठ, अन्जन विष्ट

source: ratopati

Leave a Reply

Your email address will not be published. Required fields are marked *